Cabugao, Ilocos Sur – Iti pannaki-amad ti Web In-Action iti Mayo 2, 2014, impakaammo ni Mr. Edgar S. Balangatan, AT/, MENRO Designate/ Clean and Green Coordinator a naideploy dagiti agob-obra iti babaenda a nagikkat kadagiti Tarpaulin ken dadduma pay a wara a maigapu iti kalepleppas a selebrasion ti Semana Santa ken iti Panagpiesta ti Ili iti Abril 23-26, 2014.
Nupay kasta, insupusop ni Mr. Balangatan a madagdagus ti clearing ken pannakadalus ti agsumbangir a paset ti Kalsada Nasional manipud Brgy. Sagayaden agingga iti Brgy. Pug-os agraman
dagiti Kalsada (Salomague Bound ken Cuancabal to Nagsincaoan Road) kasta met kadagiti lugar-pampubliko iti Poblasion (Parke, Plaza, Processional Route ken NISTC Public Market) tapno agtultuloy a nadalus ken napintas ti buya iti aglawlaw ti ili.
Ti madagdagus nga aksion dagiti maseknan nga LGU Personnel para iti “Clean and Clearing Activities” apaman a malpas dagiti dadakkel nga aktibidad ket paset ti panangipatungpalda iti direktiba ni Mayor Edgardo “Ediboy” S. Cobangbang, Jr. iti agtultuloy a pannakamantener ti kinadalus ti aglawlaw iti Munisipalidad ken sanitasion para iti umili ken bumisita a Balikbayan iti ili ti Cabugao. # (Web Situational Report)
No comments:
Post a Comment