Cabugao, Ilocos Sur – Ti Philrice-Batac ken DA-RFO 1, ILIARC ket inramanda ti ili a Cabugao a Project Site ti Proyekto a napauluan ti “Water Harvesting for Rice Intensification and Crop Diversification in Region 1”. Daytoy a proyekto ket idauluan ni Dr. Reynaldo C. Castro, Chief Science Research Specialist, Philrice Batac ket agbalin a joint project ti Philrice, DA-RFO 1 ken ti LGU a Collaborating Agency apaman a naaprobaran.
Segun ken ni Mr. Edy L. Sevilleja, Presidente, Bungro Farmers Association, a naileppasen ti nakali a a nasemento a pagideposituan ti danum ket masagsagana daytoyen a mausar iti umay a panagtatalon/panagbabangkag a panagmulada iti cash crop kas iti mais ken nateng.
Agpaut ti proyekto iti 2 a tawen ket nangrugi idi Marso 11, 2013 ken maikonsentrar kadagiti rainfed area ti maysa a lokalidad a pakairamanan ti Barangay Bungro.
Dagiti kangrunaan a panggep ti proyekto ket dagiti sumaganad:
1.Mangipanamnama iti pangalaan ti pagpadanum dagiti matalon/mabangkag nga agpampannuray ti tudo.
2.Maikonsentrar iti naipasdek a water conserver (makali a pagurnongan ti danum).
3.Mairagpin pay iti proyekto ti panagtaraken ken pagpupokan ti ikan babaen iti kabaelan ti danum a mapataud.
4.Maisuro ti teknolohia iti panangsustener ken panangkonserbar iti agtultuloy a sustento a danum a para iti maimula. # (Web In-Action)
No comments:
Post a Comment