Friday, April 4, 2014

CORNMILL, NAGUN-OD TI BACALL MPA

Cabugao, Ilocos Sur – Paset ti panangtarabay ti Gobierno Munisipal ti ili a Cabugao, Ilocos Sur kadagiti Farmer’s Association iti masakupanna iti  agtultuloy koma a panangprobitsarda iti serbisio dagiti maseknan nga Ahensia partikular iti Departamento ti Agrikultura (DA).

Iti Farm Mechanization Program ti DA, nagun-od ti BACALL Multi-purpose Association, Brgy. Baclig, Cabugao, Ilocos Sur iti panangidaulo ni Mr. Dominador Reynold S. Sabio, Presidente iti maysa a unit ti Cornmill a mabalin a pagaramidan ti Crack Corn, Corn Bran, Grit Corn, ken Fine Grit a mailako iti Merkado a maysa a Livelihood Sources dagiti mannalon.


Segun ken ni Mr. Sabio, nangrugi  ti panggepda a maaddaan iti kastoy a makina idi nakimitingda iti Corn Farmer’s District Meeting babaen iti programa ni Gobernador Ryan Luis V. Singson iti Corn Production ti Probinsia. Malaksid iti panagtalinaed ti presio ti mais, naigunamgunam pay iti pannakaipakat ti “Value Adding” a  no maprobitsar ti bukel iti nadumaduma a pamay-an kas iti nadakamat iti ngato ket maaddaan ti panggedan dagiti mannalon iti mais ta mailakoda pay ti produktoda a mangingato ti matgedanda ken mangpapinget kadakuada nga agmula ti mais nangruna iti puraw.

Kanaig daytoy, kayatda met a tumulong a maidur-as ti programa ti DA nga agbalin ti mais a sandi  ti bagas ta naammuan  a makaagas pay iti sakit nangruna iti Diabetes daytoy a Cash Crop.


Babaen iti pannakikoordinar ti BACALL MPA ken ni Mayor Edgardo “Ediboy” S. Cobangbang, Jr., naikkan pay ti Asosasion iti tulong manipud iti Munisipio iti pannakaala/pannakaibiahe  daytoy a nagun-od a makina manipud idiay Pangasinan Research and Experiment Center, Sta. Barbara, Pangasinan idi Abril 3, 2014 babaen kadagiti Opisiales ti BACALL MPA. Kadua pay  ti Asosasion ni Mrs. Teresa R. Palos, Ilocos Sur Provincial Corn Report Officer a nangala kadaytoy a makina. 

Impeksa ti BACALL MPA iti nalaus a panagyamanda iti DA, OPAG-Ilocos Sur ken ti LGU-Cabugao iti pannakatarabayda a nanggun-od kadaytoy a pagpabayoan ti bukel ti mais. # (Web In-Action) 

No comments:

Post a Comment