Cabugao, Ilocos Sur – Naangay ti Special Meeting ti Cabugao Faderated Senior Citizen, Cabugao, Ilocos Sur iti Senior Citizen’s Center, Brgy. Rizal, Cabugao, Ilocos Sur idi Oktubre 7, 2014.
Kangrunaan a trinatarda ti pannakipagselebrarda iti Elderly Week ti bulan ti Oktubre 2014 ken panagplanoda kadagiti aramidenda iti isayangkatda a “Fun Walk” inton Oktubre 14, 2014 a mangrugi iti Senior Citizen Center ket kamangenda ti National Highway nga agturong iti NISTC-Public Market ken agderetsoda iti batog ti Cabugao South Central School sada agsubli iti Senior Citizen Center a pakaangayan ti salu-salo ken programa a pangkulminarda kadaytoy a naipangruna nga aldaw dagiti nataengan ita a bulan.
Natratar pay dagiti dadduma a pakaseknan/problema ti indibidual/grupo iti uneg ti Asosasion iti barangay ken iti Pederasion.
Tinamingda pay dagiti pinansial a bambanag a pakaseknan iti operasion ti Saranay ken internal a pakaseknan ti Pederasion-da. Naballigi ti panagtratarda kadagitoy a pakaseknanda. # (Web In-Action)
No comments:
Post a Comment