Monday, October 6, 2014

CABUGAO TAEKWONDO CLUB, AGSANSANAYDA LATTA

Cabugao, Ilocos Sur – Maang-angay  ti linawas a panagsanay dagiti kameng ti Cabugao Taekwondo Club nga imatonan ni Mr. Angelito Valle, 4rth Dan, Blackbelter, Taekwondo  ken agnaed iti Brgy. Lapting, San Juan, Ilocos Sur  iti sango ti Presidencia (Municipal Hall), Cabugao, Ilocos Sur tapno maensayoda a naimbag sakbay a maisangalda iti  kompetision.


Innayon ni Mr. Valle a kasapulan ti nainget a disiplina ti bagi, konsentrasion, constant practice ken agtultuloy a panangasikaso ti pisikal a pakabuklan ken salun-at ti amin nga aspeto  tapno nakasagana latta ti bagi iti panagsanay ken iti pannakisalisal.

Ti Cabugao Taekwondo Club  ket nakapatanoren  ti dua a “World Class Athletes”  a nakagun-od ti balitok ken bronze a medalia iti pannakisalipda iti naangay  itay nabiit nga International Taekwondo  Competition  idiay pagilian ti South Korea. # (Web In-Action)

No comments:

Post a Comment