Wednesday, October 1, 2014

MAFC MEETING, NARUAY TI NAPLANO A PAGSAYAATAN

Cabugao, Ilocos Sur – Naaramid ti panagmiting dagiti pannakabagi ti nadumaduma a sektor a mangbukbukel ti Municipal Agriculture  and Fisheries Council (MAFC) ti ili a Cabugao, Ilocos Sur nga idauluan ni MAFC Chairman Rogelio Barlolong.

Nakikaysa ni Municipal Agriculturist Zenaida S. Andrada iti nasao a miting ket dagiti sumaganad ti kangrunaan a napagnanamingan:


1.Pannakaidagadag  ti pannakaorganisa  ti Barangay Agriculture and Fisheries Council (BAFC) kadagiti barangay  nga awan pay ti BAFC-na.

2.Amin a makaawat ti proyekto nga aggapu iti Department of Agriculture (DA) ket maobligar a mangisubmnmiterda  ti Project Utilization and Accomplishment Report-da.

3.TI Municipal Agriculturist ket impakaunana a maikkan manen ti makinaria ti Federated Farmers Association ken ti Catucdaan FA iti dua a units ti Hand Tractor manipud iti DA-RFO 1  a manamnama a sumangpet ditoy Munisipio inton Oktubre 7, 2014.

4.Agatendar dagiti Opisiales/kameng ti Rural Improvement Club iti maaramid nga RIC Congress inton Nobiembre 26-28, 2014.

5.Makiddaw iti Philippine Coconut Authority (PCA)  iti Seedlings a maimula iti Salapasap Coastal Line.

Adu pay dagiti naidasar a mosion a nasegundaran ken nairekord a kaaduanna  ti  singasing a mangpasayaat iti nadumaduma a sektor ti MAFC-Cabugao.

Ni Mrs. Joenah G. Sevilleja, AT,  ti agdama a nadesignaran a MAFC Focal Person ti LGU-Cabugao. # (Web In-Action)

No comments:

Post a Comment