Cabugao, Ilocos Sur – Malaksid iti pannakataming iti sakit ken an-annayen dagiti dinguen ken animales, nayusuat ti programa ita ti Philippine Carabao Center (PCC) ditoy Cabugao babaen ti panangipakat ti DA-LGU Cabugao tapno kumalidad ti puli dagiti taraken nga animal kangrunaan iti nuang a katulongan pay laeng dagiti mannalon iti panagtalonda.
Segun kada Dr. Melvin G. Castro, DVM, Municipal Livestock Inspector ditoy nga ili ken Mr. Nathaniel B. Galamgam, AT, katulonganna iti programa nga addan pito a barangay a dagitoy ti Brgy. Catucdaan, Maradodon, Nagsincaoan, Cacadiran, Cuancabal, Lipit ken Bato ti lugar a naileppasda a nangipakatan ti programa ti PCC. Adda metten ti 45 a bilang ti animales kadagitoy a nadakamat a barangay iti naikkan ti Artificial Insemination, innayon ni Mr. Galamgam .
Kinuna ni Livestock Inspector Dr. Castro a kabayatan ti pannakaikampania ti Artificial Insemination ket libre ti maited a serbisioda ken agraman ti maipakapet nga agas iti animal. # (Web In-Action)
No comments:
Post a Comment