Monday, October 20, 2014

GROUNDBREAKING CEREMONY, NAANGAY DITOY MUNISIPIO

Cabugao, Ilocos Sur – Kalpasan ti Flag Ceremony iti Oktubre 20, 2014,  inyawat met ni Mayor Edgardo  “Ediboy” S. Cobangbang, Jr.  a kaduana dagiti Municipal Officials ti Certificate of Appreciation a pammadayaw iti LGU-Cabugao ken ni Dr. Samson S. Flores ti Chicago, Illinois, USA  ken Tubo ti Barangay Quezon iti panangidonarna ken ti pamiliana iti mabangon a  pasdek ti dental clinic a napanaganan ti Cecilia T. Flores Memorial Dental Clinic a maited a para iti pagsayaatan dagiti umili ti Cabugao, Ilocos Sur.



Inyam-ammo ni Mayor Ediboy maipapan iti kabibiag ni Dr. Flores ken pinadayawanna ti naindaklan a tulong daytoy ket indauluan ti Alkalde Munisipal ken  dagiti umili nga agyaman itoy a Pamilia kasta metten nga impadamag pay ni Mayor Ediboy dagiti sumarsaruno nga agited ti proyekto-pangmedikal ditoy ili ti Cabugao.

Naaramid ti seremonia ti Groundbreaking iti disso a pakaipasdekan ti nadakamat a mabangon a dental clinic kas expansion ti Cabugao Rural Health Unit (RHU) ken iti Cabugao Lying-in Center.



Bimmayabay dagiti Municipal Officials, pannakabagi ti DepED ken ti Federated PTA nga inimatangan ti Pamilia-LGU ken dadduma pay a pannakabagi ti  Departamento ti LGU-Cabugao iti pannakaipisok ti Time Capsule nga inannong da Mayor Ediboy ken ni Dr. Samson S. Flores. # (Web In-Action)

No comments:

Post a Comment