Cabugao, Ilocos Sur – Narugianen a nag-training dagiti kameng ti Rural Improvement Club (RIC) iti Barangay Daclapan, Cabugao, Ilocos Sur idi Oktubre 24, 2014 iti Daclapan Multipurpose Building babaen iti panangigannuat dagiti pannakabagi ti DA-LGU Cabugao ken ti Department of Trade Industry (DTI) Vigan City iti panangibagi ni Mr. Yolando Quiocho, DTI Officer.
Dagiti Meat Processing Facilities (pagaramidan ti kalientes) a mabangbangon ita ditoy a barangay ket ipatpatungpal ti Department of Trade and Industry (DTI) ken iti LGU-Cabugao, Ilocos Sur nga idauluan ni Mayor Edgardo “Ediboy” S. Cobangbang, Jr.
Maar-aramid ita dagiti pasdek daytoy a proyekto sadiay Brgy. Daclapan, Cabugao, Ilocos Sur babaen iti pundo ti Grassroots Participatory and Budgeting Planning manipud iti DTI ken ti LGU-Cabugao.
Daytoy a proyekto ket tarawidwidan ti Rural Improvement Club (RIC) ditoy a barangay a tarabayen ti Barangay Council.
Manamnama nga iti panagoperar daytoy a pasilidad ket makatulong iti pamilia ti RIC Member kasta metten iti dayta a komunidad tapno dumur-as daytoy a livelihood project dagiti kababaihan ditoy a barangay. # (Web In-Action)
No comments:
Post a Comment