Cabugao, Ilocos Sur – Naruay pay laeng ti simmarungkar a tattao kadagiti minatayda kadagiti nitso ken tanem nangruna iti Kamposanto Iglesia Romano Katolika iti nagmalem ti Nobiembre 2, 2015.
Naipatungpal ti “Oplan Kaluluwa 2012” a programa ti PNP no dumteng ti kastoy a panawen babaen kadagiti pannakabagi ti linteg kadagiti agsangpet-agawid a tattao nangruna iti National Highway a pagnaanda a mabatogan ti Cabugao Public Cemetery.
Naangay ti Nasantuan a Misa iti 6:30am iti Simbaan Romano Katolika; Misa Kamposanto iti Sitio Benneg, Brgy. Cuancabal iti (8:30am) babaen ken ni Rev. Fr. Angelito de Gracia idinto ta ni Rev. Fr. Felix Costales iti nangannong iti Misa Kamposanto iti Brgy. Nagsincaoan.
Ni met la Rev. Fr. Angelito de Gracia ti nangannong iti Misa Kamposanto (Uneg) iti 3:00pm iti deppaarna ti daya iti sementerio ti ili.
Iti pannakiamad ti Web In-Action, naballigi ti dua nga aldaw (Nobiembre 1-2) a panagselebrar ta awan ti aniaman a madi a napaspasamak iti ruar ken iti uneg ti sementerio, segun iti Municipal Police Station ti Cabugao. # (Web In-Action)
No comments:
Post a Comment