Cabugao, Ilocos Sur – Naangay manen ti 2-Day Skills/Livelihood Training on Gillnet and Gillnet Maintenance dagiti 4 P’s Beneficiaries ti Barangay Sabang, Cabugao, Ilocos Sur itay nabiit babaen iti panangiwayat ti DSWD ken iti Staff ti MSWDO-LGU Cabugao nga idauluan ni MSWD Officer Mrs. Lydia S. Gazmen.
Naglektiur dagiti pannakabagi ti DA-Provincial Office, Fisheries Department ket addaan ti 49 a katao iti nasursuruan nga agaramid ti Gillnet.
Simmaruno a barangay a nakaangayan ti training ket iti Barangay Sabang a nagatendaran dagiti 4 P’s Beneficiaries ti Brgy. Sabang, Daclapan ket adda 49 a katao a nagseminar a pakairamanan ti Barangay Namruangan.
Iti nasao a training, nakikaysa da MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao ken ni Mr. Dennis P. Aguimbag, SLP-PDO ti SLP-DSWD kasta metten dagiti Staff ti MSWDO-Cabugao ken ti 4 P’s Municipal Link-Cabugao
Nakikaysa met dagiti Opisiales ti Ili nga idauluan ni Mayor Edgardo “Ediboy” S. Cobangbang, Jr. ken ni Vice Mayor DJ Savellano ken bimmayabay dagiti Konsehales ti ili nga isuda SBM Danny Q. Gazmen; SBM Josefina S. Vallejo; SBM Jayhan Alcid-Tan; SBM Benedicto M. Savellano ken ni SBM Atty. Bryan Jett S. Pano, Committee Chairman on Social Services iti pannakaaramid ti nasao a panagsanay. # (Web In-Action)
No comments:
Post a Comment