Tuesday, November 3, 2015

NAGGIGIDDAN TI 6 A BARANGAY A NAGDALUS

Cabugao, Ilocos Sur – Naaramid ti panagdalus iti igid ti baybay  ti i nnem  a Coastal Barangay ti ili a Cabugao iti Oktubre 28, 2015 kas iti Brgy. Dardarat, Salomague, Sabang, Namruangan, Daclapan, ken ti Salapasap.

Imbatad ni MENRO Edgar S. Balangatan, AT/ a nasapa a napan nagdalus dagiti lumugar nga indauluan dagiti Opisiales ti Barangay-da  ken dagiti Farmers/Fisheries Associations. 

Kadua ni MENRO Balangatan dagiti pannakabagi ti Coastal Resources Management Staff iti ENRMO, Vigan City a nagmonitor kadagiti nadakamat a barangay.

Iti Barangay Dardarat, grass cutter ti kangrunaan a nausar kadagiti nagtubo a ruot iti arubayan ti  Dardarat Fish Sanctuary and Cove agsipud ta adda pinusganda a nagdalus/mangmanmantener  iti inaldaw iti aglawlaw ti aplaya ken dagiti pasilidades ti barangay.

Daytoy nga aktibidad ket regular a pagbinbinnuligan ti Environment and Natural  Resources Management Office, Provincial Office ken ti  Gobierno Lokal a makasakup kadagiti barangay a masarakan   iti igid ti baybay.

Paset  ti napateg a  programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti agtultuloy a  pannakamantener  iti nadalus a kabaybayan babaen iti agtultuloy a  panaglinis  dagiti bumarangay ken asosasion iti masakupanda tapno matagiben dagiti rekursos naturales iti mabatogan dagitoy a kabaybayan. # (Web In-Action)

No comments:

Post a Comment