Cabugao, Ilocos Sur – Naisapsapa ti pannakaisagana ti Track and Field Oval/Athletic Ground babaen iti panagtinnulong dagiti Sports Officiating Officer iti Cabugao DepED District ken dagiti Opisiales/Kameng ti PTA nga idauluan ni Mr. Walberto Torres, President idi Nobiembre 6, 2015 babaen iti agmalmalem a panag-group works-da.
Segun ken ni Mr. Ronel M. Ubaldo, Physical Education on School Sports (PESS) Coordinator ti Cabugao DepED District a nupay ti ili a San Juan ti ag-Host ita a Tawen kadaytoy a dakkel a paay-ayam ngem ditoy ili ti Cabugao ti venue a pakaaramidan dagiti Games inton Nobiembre 11-13, 2015.
Ita pay, agsansanay latta dagiti atleta iti nadumaduma nga events (15 events) nga aggapu iti uppat nga ili agraman dagiti atletada iti secondary schools. Napasnek ti Cabugao Team nga agsansanay ta manamnama a maisangal kadagiti atleta iti ili ti Sinait, San Juan ken Magsingal kadagiti nadakamat a petsa ti dinnayo. # (Web In-Action)
No comments:
Post a Comment