Cabugao, Ilocos Sur – Naangay manen ti Pay-out (Over the Counter) ket naserbisyuan iti umabot ti 116 (Over the Counter) a Beneficiaries ti Pantawid Pamilyang Pilipino Program (4 Ps) a naggapu kadagiti barangay ti Munisipalidad ti Cabugao idi Nobiembre 25, 2015 iti Municipal Conference Building. Dua a bulan (Setiembre-Oktubre) ti naalada a mabatayan iti awatenda a gatad.
Segun pay ken ni Ms. Juliet Madriaga, Municipal Link, Cabugao a maar-aramid pay ti Pay-out dagiti 1,573 Cash Card Holder Beneficiaries manipud iti LBP, San Juan ken Sinait, Ilocos Sur manipud Nobiembre 24 agingga iti Nobiembre 27, 2015.
Nagatendar iti nasao a Payout Activity ti DSWD Payout Team ti DSWD a nagiyawat iti kantidad kadagiti Recipients.
Nagatendar iti nasao a Payout Activity ni Mayor Edgardo “Ediboy” S. Cobangbang, Jr. Nangipaay ti Mensahe ti Ama ti Ili para iti daytoy nga aktibidad a pakaisagutan dagiti 4 Ps Beneficiaries ti Munisipalidad.
Bimmayabay dagiti Municipal Officials nga isuda Vice Mayor DJ Savellano; SBM Vicky S. Serna; SBM Benedicto M. Savellano; SBM Atty. Bryan Jett S. Pano, Committee Chairman on Social Services; SBM Jayhan Charisma Alcid -Tan ken ni Brgy. Captain Arnold “Bambi” V. Yangat.
Timmarabay met dagiti Staff ti MSWDO-Cabugao nga idauluan ni MSWD Officer Mrs. Lydia S. Gazmen.
Ti Programa ti 4 P’s ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government babaen iti panangipatungpal ti DSWD a kapartnerna ti LGU-Cabugao a makasakup kadagiti benepisiario. # (Web In-Action)
No comments:
Post a Comment