Cabugao, Ilocos Sur –Naipaay manen iti LGU-Cabugao ti dua nga Award a naggapu iti Department of Agriculture (DA)-Regional Field Office 1 ket naited dagitoy a Pammadayaw iti imatang ti Pamilia LGU iti Nobiembre 23, 2015 kalpasan iti Flag Raising Ceremony.
Inawat ni Mayor Edgardo “Ediboy” S. Cobangbang, Jr. ti Certificate of Recognition manipud iti DA-RFO 1 a pammigbig ti Ahensia iti agtultuloy a suporta ti LGU-Cabugao iti Gawad Saka Search for Outstanding Agricultural and Fishery Achievers ken iti dakkel nga naitulongna iti agtultuloy a panagdur-as ti Agrikultura iti Rehion Uno.
Maikadua a pammadayaw ti nagun-od ni Brgy. Captain Edgardo Celestino Sonido iti Barangay Turod Patac, Cabugao, Ilocos Sur iti Certificate of Recognition a pammigbig met iti partisipasionna a kas Nominee iti Outstanding Rice Farmer Category iti panagbalinna a Regional Finalist iti Gawad Saka Search 2014 -12015.
Agpada dagitoy a pammigbig a naited idi Nobiembre 19, 2015 iti Oasis Country Resort Hotel and Restaurant, San Fernando City, La Union babaen iti Gawad Saka Search nga indauluan da Mr. Vincent A. Adorna, Chairman, RAFC/Co-Chairman, Regional Gawad Saka Search; Dr. Paz L. Mones, Ph. D., RTD for Operations/Reg’l., Gawad Saka Coordinator ken ni Dr. Valentin C. Perdido, Ph. D., OIC-Regional Executive Director/Chairman, Regional Gawad Saka Search. # (Web In-Action)
No comments:
Post a Comment