Cabugao, Ilocos Sur – Nagmiting dagiti Opisiales ken Kameng ti Cabugao Federated Senior Citizen Association (FSCA) iti Hulio 18, 2017 ket naaramid ti mitingda iti Senior Citizens Center, Brgy. Rizal, Cabugao, Ilocos Sur.
Impakaammo ni Mr. Bonifacio Somera, Presidente a nagatendar met da Mr. Remigio Sunico, OSCA Head iti nasao a miting kasta metten ni Ms. Lucila S. Somera, pannakabagi ti LGU-Cabugao iti pakaseknan dagiti nataengan.
Naipakaammo dagiti agkasangay ita a bulan ti Hulio 2017 ket napadayawanda iti sango dagiti nataengan babaen iti pannakakanta ken pannakaukkorda iti sabong.
Na-update pay iti listaan dagiti minatay ken napagsasaritaan dagiti maaramid a Prayer Service kadagiti (Interment ken Anniversaries) nga aramiden ti grupo dagiti nataengan.
Innayon ni Mr. Somera nga intultuloyda a trinatar iti maipapan ti napintas a koleksion ti Saranay-da; updating ti kameng ti Senior Citizens iti kada barangay ken ti Regular a Monthly Accomplishment Report ti Pederasion.
Napagtutulagan pay iti ipapanda panag-Lakbay Aral inton Hulio 26, 2017 idiay Probinsia ti Pangasinan ket bisitaenda dagiti ili ti Lingayen; Dagupan; ken Manaoag ken dagiti ili ti La Union a kas iti Luna ken iti Sudipen tapno bisitaenda iti agdindinamag a Senior Citizens Center kadaytoy nga ili. # (Web In-Action)
No comments:
Post a Comment