Tuesday, July 18, 2017

SKILLS TRAINING TI DTI, MAARAMID MANEN DITOY CABUGAO

Cabugao, Ilocos Sur – Maar-aramid  ita ti Skills Training  para kadagiti inna  nga interesado a maaddaan ti pagkakitaan manipud iti Federated Rural Improvement Club (RIC) iti ili a Cabugao, Ilocos Sur iti   Hulio 18 agingga iti petsa 19 (2 days), 2017. 

Maaramid ti  panagsanay babaen iti programa ti Department of Trade and Industry  nga imbagian da Engr.  Yolando Q. Quiocho,  DTI Officer, Vigan City ken ni Ms. Charisse Realon, agpada  a Trainor babaen iti pannakikammayetda  iti LGU-Cabugao nga idauluan ni Mayor Josh Edward S. Cobangbang.

Napauluan ti panagsanay iti   Plastic Twine Craft Making Skills Training a naangay iti Cabugao Cultural and Sports Complex, Brgy. Rizal, Cabugao, Ilocos Sur a ditoy ti pagpartisiparan dagiti kameng ti Federated RIC.

Kanaig daytoy, maaramid pay iti masanguanan ti maysa pay a panagsanay babaen met laeng  iti programa ti Department of Trade and Industry (DTI),  Vigan City kadagiti umili ti Cabugao iti dua a barangay (Brgy. Nagsantaan ken Brgy. Sisim) a pakairamananto manen  ti Federated RIC maipapan iti Soap Making.

Dagiti naglabas a pa-training ti DTI ditoy Cabugao ket dagiti sumaganad:

1. Immuna a naaramid ti Ube Processing and Upgrading Training idiay Barangay Cacadiran, Cabugao, Ilocos Sur a nagpartisiparan iti 22 a kameng ti Cacadiran Farmers Association ken Cabugao Federated RIC idi Marso 13-14, 2017 a nagresultaan iti pannakaramid dagiti produkto nga Ube Halaya; Nutty Ube; Ube Re Cream ken Ube Wine.

2. Naaramid ti panagsanay iti Product Diversification Training on Pigeon Pea Processing a naangay idiay Sitio Lusong Suyo, Brgy. Baclig, Cabugao, Ilocos Sur idi Marso 16-17, 2017 a nagatendaran ti 20 a kameng ti Ilocos Kardis Growers Association ken ti Cabugao Federated RIC ket naaramid dagiti produkto iti Kardis Brownies/Cookies/Muffins Kardis with Ube Halaya.

3. Panagsanay ti Veggie Noodles nga  inaramid ti 20 a nagsanay.

Iti pannakiuman ti Web In-Action ken ni Engr. Quiocho ket  kinunana a kangrunaan a panggep ti programa a tulongan dagiti inna ken uray dagiti amma a mangiyagpang iti kabaelanda iti matarusanda a pagkakitaan kas kadagitoy  nadakamat a panagadal tapno manayonan ti matgedanda. Mangnamnama ti Opisial ti DTI a mataginayon dagitoy a proyekto a maited babaen iti panagtinnulong ti Ahensia ti DTI-Vigan City  ken iti LGU-Cabugao nga idauluan ni Mayor Josh Edward S. Cobangbang.

Dagiti ramit a mausar ket pannakabagi ti DTI a maited kadagiti agsanay idinto ta iti met Merienda ken iti Makan iti pannakabagi ti LGU-Cabugao iti maaramid a panagsanay, segun pay ken ni Engr. Yolando Q. Quiocho ti DTI. 
Nakitinnulong met iti pannakaisagana ti Training venue da Mr. Edgar S. Balangatan, AT, BUB Coordinator ken ni Mr. Dharen Luzano iti Office of the Mayor. # (Web In-Action)

No comments:

Post a Comment