Cabugao, Ilocos Sur - Babaen iti Division Memorandum No. 135, Series 2017, maipatpatungpal ti Science Class kadagiti Elementaria ken Sekundaria a tukad iti pageskuelaan ti Ilocos Sur babaen iti panagkinnammayet dagiti Division Association of Science Coordinators and Advisers. Maaramid daytoy babaen iti boluntario a panagrehistro dagiti interesado nga agad-adal (Elementaria ken Sekundaria).
Ditoy ili a Cabugao, maar-aramid ti Science Class iti tunggal aldaw ti Sabado (8:00 AM -12:00 Noon Time) iti Cabugao North Central School, Brgy. Rizal, Cabugao, Ilocos Sur a nagrugi idi Hulio 8, 2017 ket manamnama nga agleppas iti innem a Sabado nga inton Agosto 12, 2017. Dagiti maawat nga Estudiante/Pupils ket aggapu iti Grade 3 agingga iti Grade 10 iti 26 a pagadalan iti Cabugao DepED District ket kasapulan met iti written permit dagiti nagannak.
Dagiti maganab dagiti Estudiante ken Pupils iti maadalda itoy nga asignatura ket dagiti sumaganad:
1. Mapagbalinda a critical problem solver.
2. Responsable nga stewards ti nakaparsuaan.
3. Innovative and creative citizens.
4. Informed decision makers.
5. Effective communicators.
Malaksid itoy, maaw-awis iti naan-anay a partisipasion dagiti Teachers; Learners; Nagannak ken iti Komunidad para iti Science Education ken makatulong kadagiti interesado nga agadal iti Philippine Science High School ken mangapresiar iti Science Instruction kadagiti pageskuelaan.
Daytoy a programa ket maipatungpal babaen iti Direktiba ni Ms. Gemma Q. Tacuycuy, CESO VI, Schools Division Superintendent, DepED-Ilocos Sur ken ipatungpal met dagiti District Supervisors; Elementary School Heads/Principals/OICs; Public Secondary School Heads/Department Heads/OICs. # (Web In-Action)
No comments:
Post a Comment