Cabugao, Ilocos Sur – Nagmiting dagiti Barangay Nutrition Scholars (BNS) iti Hulio 3, 2017 iti Early Childhood Care Development Building, Brgy. Rizal, Cabugao, Ilocos Sur ket inatendaran ni Public Sanitary Inspector ken Municipal Nutrition Action Officer Jeanete Garcia ti nasao a panagtataripnong.
Indauluan ni Mrs. Gloria T. Segui, Presidente, dagiti Barangay Nutrition Scholar (BNS) a nagtataripnong.
Inikkanda ti importansia dagiti naidatag a report dagiti BNS pakaseknan iti programa ti Operation Timbang ken pannakikoordinarda kadagiti Barangay Official iti barangay-da. Inggunamgunam ni MNAO Garcia kadagiti BNS a kasapulan koma nga agpaypayso dagiti datos a nakalap iti panagpasiarda kadagiti klienteda iti barangay tapno maikkan met iti umisu nga aksion ken intervention iti programa ti BNS.
Napagsasaritaanda iti yaatendarda iti pannakaaramid ti provincial; regional ken national congress ti BNS nga agsasaruno a maaramid ita a bulan ti Hulio ken Agosto 2017.
Innayon ni MNAO Garcia iti akem ti BNS a tumulong iti “Operation Taob” nga ipatpatungpal ti RHU ken ti DOH kadagiti barangay pakaseknan iti panagraira ti sakit a dengue.
Natratar pay dagiti issues ken concerns ket naballigi a napagsasaritaan dagitoy. Na-adjourned ti miting iti 11:48 A.M.
Dagitoy nga aksion ken inisiatiba ket paset iti programa ti Munisipio babaen iti panangidaulo ni Mayor Josh Edward S. Cobangbang iti agtultuloy a pannakaipromot ti Nutrision iti Munisipalidad a pakaisagutan dagiti umili. # (Web In-Action)
No comments:
Post a Comment