Cabugao, Ilocos Sur – Naaramid ti panagtataripnong dagiti maseknan a grupo ken indibidual iti ili Gobierno Lokal ti ili a Cabugao, Ilocos Sur para iti pannakaisagana dagiti mapunduan a proyekto ken programa a maipalaon iti Annual Investment Plan 2018 a kasapulan met iti Annual Budget ti Munisipio. Naaramid ti panagmimiting idi Hulio 14, 2017 iti Early Childhood Care Development Building, Brgy. Rizal, Cabugao, Ilocos Sur.
Indauluan ni Mayor Josh Edward S. Cobangbang ti nadakamat a miting. Nagatendar dagiti Department Heads iti nadumaduma nga Opisina ti LGU-Cabugao; Sangguniang Bayan Members; Kapitanes ti Barangay; pannakabagi ti PNP-Cabugao ken iti BFP Cabugao; ken sumagmamano a pannakabagi ti NGOs.
Immuna a naaramid ti Opening Prayer. Nangited ti pakauna a sarita ni Mayor Josh Edward ket kunana a kasapulan a maited dagiti nasken a kasapulan dagiti maseknan tapno maalokaran iti tumutop a pundo a mausar iti pannakaiyimplimentar dagitoy a serbisio.
Nagtinnulong da MPDC and Budget Officer Florante S. Jara ken ni Municipal Accountant Anna Lyn Siababa a nag-Preside iti miting.
Tinarawidwidan ni MPDC ken Budget Officer Florante S. Jara iti pannakai-programa dagiti mapunduan iti mabukel nga Annual Investment Plan a kasapulan metten iti mabukel nga Annual Budget ti Munisipio para iti Tawen 2018.
Nainayon a Topiko a napagnanamingan ket ti maipapan iti Personnel Services a mangsakup iti Salary Standardization ken Terminal Pay; kasta metten iti MOOE ken iti Capital Outlay.
Malaksid kadagiti Kapitanes kadagiti barangay; Department Heads ken sumagmamano a pannakabagi ti NGOs a naawis ket nagatendar da SBM Danny Q. Gazmen,
Chairman - Finance, Budget And Appropriation
SBM Vicky S. Serna,
Vice Chairman - Finance, Budget And Appropriation
; SBM Dr. Jemaima S. Tan-Yee, Member, Finance, Budget and Appropriation; SBM Josefina S. Vallejo; SBM Atty. Randy Baniaga G. Kinaud iti nadakamat a miting. # (Web In-Action)
No comments:
Post a Comment