Cabugao, Ilocos Sur – Iti pannakiuman ti Web In-Action, kinuna ni SB Secretary Maxfel S. Suboc a nakakalendario ken maipatpatungpal ita dagiti napapateg a Gakat a para iti pagsayaatan dagiti umili ken iti Munisipalidad iti Tawen 2017-2019.
Iti Tawen 2016, kangrunaan a tinaming ti Sangguniang Bayan ken iti Ehekutibo a benneg ti Gobierno Lokal ti ili iti pannakabukel ken pannakaaprobar ti Legislative Agenda 2017-2019 iti Administrasion ni Mayor Josh Edward S. Cobangbang.
Segun pay ken ni SB Secretary Suboc, maitultuloy a maiyimplimentar iti Tawen 2018 dagiti gakat wenno lungalong a napagkaykaysaan dagiti agpampanday ti linteg ken dagiti Opisiales ti Ili a nailanad kadaytoy a dokumento.
Dagiti Gakat a naileppas ket naaprobaran ken naipatungpal baben iti Gobierno Munisipal nga idauluan ni Mayor Josh Edward S. Cobangbang.
Innayon ni SB Secretary Suboc nga iti Legislative Agenda ti Konseho Munisipal iti ili ket nabukel ken nagepekto manipud 2017 agingga iti 2019. # (Web In-Action)
No comments:
Post a Comment