Cabugao, Ilocos Sur - Segun ken ni Market Supervisor Norma S. Bertumen, Market Supervisor nga agtultuloy iti pannakataming ti pakaseknan iti las-ud ti Tiendaan (NISTC Public Market) ti ili a Cabugao.
Kabayatanna, kanayonan dagiti naipatakder a Commercial Annex Building ket agtultuloy a mapaspasayaat iti landscape iti sango ken bakrang dagiti pasdek babaen kadagiti LGU Personnel.
Iti agdama, makapabang-ar iti rikna iti pannakapinta dagiti pasdek ti NISTC ken Food Court tapno pumintas iti buya ti aglawlaw para iti sapasap ken kadagiti marketgoers nga umay makitienda ditoy nga ili.
Di met maliwliwayan a maar-aramid ti “Flushing” iti basar ken stalls iti paglakuan ti ikan ken karne iti mamindua iti makalawas ket maar-aramid pay iti inspeksion kadagiti agrebbeng ti LGU-Cabugao kadagiti Food Handlers nga aglaklako iti ikub ti Tiendaan tapno agtalinaed a natalged dagiti mailako a makan ket naobligarda iti panangpaaddada kadagiti rekititos iti pannakaipabaro ti lisensiada nga agoperar ita a Tawen 2018.
Malaksid iti uneg ti Tiendaan, agtultuloy ti koordinasion ti Opisina ti MENRO-LGU Cabugao ken ni Mrs. Bertumen iti agtultuloy met a pannakadalus ti agsumbangir ti Kalsada Nasional a batog ti Tiendaan agraman kadagiti drainages tapno agtultuloy a nasigo ti sanitasion iti NISTC Public Market a para iti sapasap.
Dagitoy nga aksion ken inisiatiba ket maiyataday iti Direktiba ti Municipal Chief Executive iti regular a pannakamantener ti uneg ken ruar ti Tiendaan para iti pagsayaatan dagiti Marketgoers ken iti sapasap. # (Web Situational Report)
No comments:
Post a Comment