Cabugao, Ilocos Sur – Naangay ti Meeting dagiti kameng ti Cabugao Federated Farmer’s Association idi Hulio 3, 2018 iti Early Childhood Care Development Center (ECCD) Building, Barangay Rizal, Cabugao, Ilocos Sur.
Indauluan dagiti Opisiales ti Pederasion dagiti nagmiting ken timmulong dagiti pannakabagi ti Municipal Agriculture Office babaen kada Mr. Nathaniel B. Galamgam, Municipal Farmers’ Association Coordinator ken ni Katrene Joy P. Tapuro, AT.
Kangrunaan a nataming iti nadakamat a miting iti pannakasurnad dagiti napalabas a napagsasaritaan maipapan kadagiti proyekto a kayat a gun-oden ti tunggal Asosasion iti pannakaiprograma ti pundo ti RA 7171 a mabiangan ti LGU-Cabugao.
Napagnanamingan a maikkan iti kasapulan dagiti mannalon nangruna iti Farm Machineries ken Farm Implements agraman iti mausarda iti panagmulada tapno maidur-asda ti produksion nangruna iti pagay; mais; tabako ken nateng.
Iti napintas a panagtutunos dagiti mannalon ket komkomplementaran ti Gobierno Munisipal dagitoy a kasapulanda tapno maidur-as iti kabibiag ti sapasap nga umili ken mayoria pay nga agdepdepende iti pagbiagan iti agrikultura.
Timmarabay iti nadakamat a panagtitipon ni ABC President Thaddeus U. Soller agraman ni Mr. Edgar S. Balangatan, Special Project Coordinator kadagiti mannalon nga agmimiting tapno maiwanwanda iti aramidenda kas benepisiario kadagiti programa ti benneg ti agrikultura ken maruk-atan a proyekto.
Nag-adjourn ti miting iti 11:45 A.M. # (Web In-Action)
No comments:
Post a Comment