UNCONDITIONAL CASH TRANSFER (UCT), INAWAT DAGITI SENIOR CITIZENS TI ILI A CABUGAO

Cabugao, Ilocos Sur – Naangay ti Pay-out wenno pannakaited  ti gatad iti Unconditional Cash Transfer (UCT)   ti 909  a  Beneficiaries (regular social pensioners)  a kameng ti Senior Citizens  ti  ili a Cabugao, Ilocos Sur  idi Hulio 28, 2018. Naangay ti Pay-out  iti Cabugao Cultural and Sports Complex, Barangay Rizal, Cabugao, Ilocos Sur.

Indauluan ni Mrs. Lydia S. Gazmen, Municipal Social  Welfare Development Officer dagiti kakaduana a nangtarabay kadagiti Pay-out  Team ken kadagiti nataengan nga immay nangala iti mabatayanda a gatad ditoy Complex. 

Ti unconditional cash transfer program ti DSWD ket naisangrat para kadagiti  indigent senior citizens a kas parte ti panangpalag-anda  iti biag dagiti nataengan iti epekto ti tax reform law wenno pannakaipakat ti masasao a  Tax Reform for Acceleration and Inclusion or TRAIN Law ti Gobierno Nasional.  # (Web In-Action)