Cabugao, Ilocos Sur – Iti panakaisar-ong ti Web In-Action kadagiti barangay ti Munisipalidad, naammuan kadagiti mannalon a nupay saan pay a naparuar ti kusto nga ubbog tapno mapadarasda iti panagtalonda ita a Wet Season 2018 (Hunio-Nobiembre) ket nangited met iti nayon a mausarda a padanum iti masansan a panagtudona ti napigsa.
Nupay kasta, kaaduan iti manam-ayan iti kaadda ti madadaan nga usarenda a nagun-odda a Farm Machineries & Farm Implements manipud iti LGU-Cabugao agraman kadagiti dadduma pay nga inputs kas iti mait-iteden kadakuada a libre a ganagan a pangtaraonda kadagiti naimulada.
Kaaduan nga asosasion ti mannalon iti naikkan iti pamalpalatpatan iti Cropping Calendar & Pattern of Planting babaen iti naaramid a meeting sakbay iti panagbunubonda. Daytoy nga aksion ket inaramid dagiti Staff ti Municipal Agriculture Office kadagiti barangay a nakaidesignaranda.
Imbatad ni Mr. Nathaniel B. Galamgam, AT, Municipal Rice Program Coordinator nga iti agdama ket umaboten ti 54 porsiento iti natalon iti 2,247 Ektaria a dati a bilang ti mataltalon iti kastoy a cropping season. Manamnama nga agtultuloy iti pannakatalon dagiti sigsigud a mararaepan a parte iti rainfed ken irrigated area iti intero a Munisipalidad babaen iti panangtarabay dagiti Agricultural Technologists iti LGU-Cabugao.
Dagitoy nga aksion ken inisiatiba ket gubuay iti napintek a programa ti Gobierno Munisipal nga idauluan ni Mayor Josh Edward S. Cobangbang tapno makomplementaran iti regtada nga agpataud iti umanay a suplay a pagtaraon ken mangnayon iti masapulanda agsipud ta mayoridad dagiti umili iti agdepende iti pagbiaganda iti Agrikultura ditoy nga ili. # (Web Situational Report)
No comments:
Post a Comment