Cabugao, Ilocos Sur – Ti Local Government Unit (LGU)-Cabugao nga idauluan ni Mayor Josh Edward S. Cobangbang ket makikaysa iti amin nga Ahensia/Opisina ken iti sapasap iti pannakaobserbar ti kaipapanan ti Nutrition Month iti bulan ti Hulio 2018.
Babaen itoy, inangay dagiti Cabugao Nutrition Scholars (BNS) nga idauluan ni Ms. Gloria T. Segui, Presidente ken ni Ms. Jeanette Garcia, Municipal Nutrition Action Officer (MNAO) ken dagiti kameng ti Cabugao Municipal iti Malunggay Tree Planting Activity idiay Barangay Namruangan, Cabugao, Ilocos Sur idi Hulio 18, 2018.
Nakikaysa ni Dr. Mark-Lawrence T. Tirao, OIC Municipal Health Officer ket nagitedda iti Vita Mix Micronutrient Supplement para kadagiti ubbing iti Barangay Daclapan, Cabugao, Ilocos Sur babaen iti pannakikammayet dagiti lumugar nga idauluan ni Brgy. Captain Charlie Somejo.
Dagitoy nga aksion ken inisiatiba ket maigapu iti agtultuloy a panangilungalong ti Gobierno Munisipal nga idauluan ni Mayor Josh Edward S. Cobangbang a mapagkaykaysa ti puersa a sakupen ti Municipal Nutrition Council Committee nga idauluanna ken kadagiti Barangay Councils/Officials, MHO-RHU a mangipaganetget ti sagudayen ti programa kadagiti barangay tapno matun-oyan ti kangrunaan a turongen ti pananglapped ti malnutrision. # (Web In-Action)
No comments:
Post a Comment