MEETING TI SENIOR CITIZEN ITI HULYO 2018, NAANGAY

Cabugao, Ilocos Sur – Naangay ti Meeting dagiti Opisiales ken Kameng ti Cabugao Federated Senior Citizen itay nabiit ket tinamingda manen  dagiti pagsayaatan dagiti nataengan iti intero nga ili. Naaramid ti mitingda iti Senior Citizens’ Center, Brgy. Rizal, Cabugao, Ilocos Sur.

Impakaammo ni Mr. Bonifacio Somera, Presidente a trinatarda dagiti Report  dagiti Opisialesda  ken dadduma pay a pakaseknanda iti Pederasion ken Barangay Chapter.

Nataming pay dagiti Death Aid ken dagiti igannuatda a Prayer Service. Agtultuloy latta met iti Updating ti Masterlist dagiti Senior Citizen Members iti kada Asosasion ken iti Pederasion.

Nabigbig ken napadayawan dagiti nagkasangay a Senior Citizen ita a bulan ti Hulio 2018.  # (Web In-Action)