Cabugao, Ilocos Sur – Segun ken ni Municipal Rice Program Coordinator Nathaniel B. Galamgam, adda ita 300 ektaria a matalon kadagiti barangay ti ili a pakasarakan iti disso dagitoy a Riceplant Area ita a 2nd Crop (Nobiembre 2018 - Pebrero 2019).
Innayon ti Municipal Rice Program Coordinator nga addan 25 porsiento iti naapitan ket adda pay laeng ti danum a mausar nga usarenda a mangpatan-ay kadagiti naudi a naimulada agingga iti bulan ti Pebrero 2019 a panagapitda kasta metten iti irigasion; bubon ken ubbog.
Kabayatanna, imbatad dagiti 2nd Crop Planters a dakkel ti naaramidan iti intulong ti LGU-Cabugao kadagiti mannalon a nag-2nd Crop iti agdama.
Imbatad ni Mr. Galamgam a mamantener iti rice self-sufficiency status ti Munisipalidad iti agdama.
Manamnama a maapitan dagitoy a lokasion ti pagtatalonan ti 2nd Crop 2018-2019 ken mangnayon iti metrika-tonelada a produksion iti naapit iti Wet Season 2018 (Hunio-Nobiembre).
Dagitoy nga aksion ken inisiatiba ket paset iti programa ti LGU-Cabugao nga idauluan ni Mayor Josh Edward S. Cobangbang tapno mamantener ti rice self-sufficiency status ti ili ken umdas a pagtaraon dagiti umili. # (Web In-Action)
No comments:
Post a Comment