Cabugao, Ilocos Sur – Naangay ti Awarding para iti LGU-Cabugao iti panangipaay ti Civil Service Commission Region 1 a nagatendaran dagiti Opisiales ti Ili nga idauluan ni Mayor Josh Edward S. Cobangbang ken dagiti Staff ti Human Resources Management Office, LGU-Cabugao, Ilocos Sur agraman dagiti kameng ti Sangguniang Bayan ti ili idi Enero 18, 2019 iti Tadena Hall, UNP, Tamag, Vigan, Ilocos Sur.
Maibasar iti linaon ti Pammadayaw ket maibilang ti LGU-Cabugao kadagiti Top 3 (3 LGUs ken 1 a Unibersidad) a sanga ti Gobierno iti intero nga Ilocos Sur a napadayawan iti Certificate of Recognition manipud iti Civil Service Commission, Region 01, pakaseknan iti Recruitment, Selection and Placement Performance Management Learning and Development Rewards and Recognition a nagresulta iti panagdur-as ti gapuanan ken epektibo a pannakaited ti napintas a serbisio-publiko para iti kaaduan.
Indaluan ni Mayor Josh Edward S. Cobangbang a nangawat iti Award a binayabay da SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; ken ni SBM Josefina S. Vallejo ken dagiti Staff ti HRMO nga idauluan ni Miss Teresita “Mimie” S. Sison.
Nangted met ti response ni Miss Teresita “Mimi” S. Sison a nagkunaan met ti HRM Officer iti “Leadership by Example” a liderato ni Mayor Josh Edward S. Cobangbang iti LGU-Cabugao.
Iti pamanunotan ni Mayor Josh Edward S. Cobangbang, dinakamatna ti pateg iti agtultuloy a panagkakammayet dagiti opisina kasta metten dagiti mangiturturong nga Opisiales ti Gobierno Lokal iti pannakagun-od ti Munisipio kadaytoy a pammadayaw iti CSC.
Nagyaman ti Local Chief Executive iti CSC Provincial ken Regional agraman dagiti nagatendar kadaytoy a pannakabigbig ti Munisipio ti Cabugao iti nagun-odna manen a pammadayaw. # (Web In-Action)
No comments:
Post a Comment