SK SPECIAL ELECTIONS ITI PITO A BARANGAY TI ILI, MAANG-ANGAY

Cabugao, Ilocos Sur – Maang-angay iti  agdama ti Special Sangguniang Kabataan Elections iti pito a barangay ti ili a Cabugao, Ilocos Sur a pakapilian  dagiti agtakem tapno  makompleto iti kurang ti  bilangna   partikular iti posision a Kagawad kadagiti nadakamat a bilang ti barangay. Sakbayna,   naangay ti Barangay and SK Elections idi Mayo 14, 2018 iti intero a pagilian.

Naammuan ken ni MLG Officer Connie  L. Quinola, LGOO V1 a kasapulan met a masanay  dagiti baro a mapili nga Opisiales ti SK sakbay nga akemenda dagiti baro a pagrebbenganda a kas nabutosan. Innayon ni MLGO Quinola a sagudayen ti linteg ti DILG ket agsanay dagiti baro nga opisiales iti SK Mandatory Training a mayeskediul apaman a maileppas iti panagpipili. Addan uppat  a barangay a naileppas iti eleksionna.

Dagiti barangay nga agkurang iti Opisiales ti SK-na ket iti  Barangay Cuancabal, Barangay. Pila; Barangay Bato; Barangay Nagsantaan; Barangay Aragan; Barangay Reppa-ac ken iti Barangay Dardarat . # (Web In-Action)