Friday, January 4, 2019

SERBISIO TI SALUN-AT, MAITANDUDO ITI TAWEN 2019

Cabugao, Ilocos Sur  – Iti pannakiuman ti Web In-Action  kadagiti Rural Health Unit (RHU) Staff, naammuan a     nalaing  a sumarungkar dagiti umili iti Rural Health Unit (RHU)-Cabugao isu a dakkel ti maitulong ti kanayon a pannakapalagip ken pannakaadalda iti panangmantener iti napintas a salun-at babaen kadagiti nagkakammayet a sanga ti Gobierno a kas iti DOH, DSWD-MSWDO ken dagiti Asosasion nga adda iti salinong ti Barangay a mangipromot iti programa ti salun-at.

Kabayatanna, agtultuloy ti  ipapan dagiti umili iti RHU ket madagdagus iti pannakaasikasoda babaen iti agtultuloy a panangsuporta ti Gobierno Munisipal  nga idauluan ni Mayor Josh Edward S. Cobangbang kadagiti health programs ti Munisipio tapno agtultuloy a mamantener ti salun-at dagiti umili ita a Tawen 2019 ken iti masanguanan. 

Dagitisumaganad ti pagdurdur-asan ti serbisio ti salun-at:

1. Medical Consultations – 8:00 am-5:00pm – Monday to Friday (Adults and Children).
2. Immunization – 8:00am to 5:00pm – Monday to Friday.

3. Dental Services – 8:00am to 12:00 Noon – Tuesday and Thursday.
4. Lying-in Services – Daily (inaldaw) 24 Oras, 7 Days/Week.
5. Maannurot ti uppat nga STEP (1 to 4) nga aramiden ti agpa-check-up tapno sistematiko ken naurnos iti panagpaagasda.
6. Maiwayat pay iti Tuberculosis (TB) DOTS Services kadagiti maseknan a kinapet ken mangtakuat iti kaadda daytoy a sakit iti bagi ti indibidual. 
7. Adda agserbisio a Medical Technologist a mangtaming iti kasapulan ti sakit ti pasiente a maamiris iti laboratorio.
8. Maiyun-una a mataming  dagiti Senior Citizens; People With Disabilities (PWDs); ken masikog nga inna iti pannakataming ken pannakaited iti kasapulanda nga agas.
9. Maitultuloy ti eskediul iti panag-duty dagiti RHU Personnel iti aldaw ti Sabado ken Domingo a pakaragsakan dagiti umili ta adda latta madadaan a mangtaming kadakuada no adda pakaseknanda iti salun-at. 
Dagitoy nga aksion ken inisiatiba ket pagdurdur-asan iti serbisio ti salun-at a kangrunaan a programa ti Gobierno Munisipal nga idauluan ni Mayor Josh Edward S. Cobangbang tapno agtalinaed a nasalun-at dagiti umili a mangsagrap iti agtultuloy a panagprogreso ti ili.  # (Web In-Action)

No comments:

Post a Comment