Cabugao, Ilocos Sur – Naselebraran ti panagpiesta ti Barangay Rizal, Cabugao, Ilocos Sur idi Disiembre 30, 2018 kas panglagip iti kinatan-ok ti Nailian a Bannuar a nakaipanaganan ti nadakamat a barangay iti Poblasion.
Iti kabigatan ti Disiembre 30, 2018, naaramid ti Floral Offering iti sakaanan ti Monumento ni Dr. Jose P. Rizal kalpasan ti Flag Raising Ceremony iti Rizal Barangay Hall. Naaramid pay ti Parlor Games a nangparagsak iti panagpiesta.
Naangay ti Thanksgiving Mass babaen iti panangannong ti Parish Priest ti Cabugao Catholic Church iti Cabugao Cultural and Sports Complex iti kamalmanna. Naaramid ti Early Dinner kalpasanna sa naisaganad ti Raffle Draw.
Naaramid pay ti Awarding dagiti napremiuan a purok iti naangay nga Inter-Purok Basketball League sakbay ti panagpiesta ti barangay.
Indauluan da Mayor Josh Edward S. Cobangbang ken ni Brgy. Captain Thaddeus “Teddy” U. Soller dagiti nakipagselebrar. # (Web In-Action)
No comments:
Post a Comment