Cabugao, Ilocos Sur - Agtintinnulong ti DA-Philippine Crop Insurance Corporation (PCIC) ken dagiti Staff ti Municipal Agriculture Office, Cabugao, Ilocos Sur nga idauluan ni Municipal Agriculturist Robert S. Savella a mangiwanwan kadagiti Mannalon a mangala ti bayad iti nadidigraan ti mulada a pagay gapu iti idadaliasat ti kalamidad itay kallabes.
Naaramid ti Awarding of Imdemnity Checks kadagiti makaawat a mannalon idiay Caoayan, Ilocos Sur idi Enero 24, 2019 (maysa ti ili ti Cabugao kadagiti nakaeskediul kadayta a petsa) ket iti ili a Caoayan ti nagturongan dagiti umili nga adda iti listaan iti PCIC a mapan mangawat iti mabatayanda a Tseke wenno gatad a bayad ti nadidigra a mulada a pagay.
Pinagyamanan met dagiti mannalon makaawat/nakaawat iti Tseke iti agtultuloy a panangtarabay kadakuada iti LGU-Cabugao nga idauluan ni Mayor Josh Edward S. Cobangbang iti pannakikammayetda iti Ahensia ti DA-PCIC tapno maiseguro dagiti mulada a pagay iti basnot ti kalamidad. # (Web In-Action)
No comments:
Post a Comment