Cabugao, Ilocos Sur – Kalpasan ti Flag Raising Ceremony idi Hunio 13, 2016, kinablaawan ni Mayor Edgardo “Ediboy” S. Cobangbang, Jr. dagiti katinnarabayna nga Opisiales-Lokal ti Ili; Department/Section Heads dagiti Opisina ti LGU; kameng ti PNP; BFP ken iti amin nga LGU Personnel a nakipaset iti seremonia ti pannakaisa ti Bandera iti maikadua a lawas ti bulan ti Hunio 2016.
Kangrunaan a naawagan manen ti imatang dagiti agserserbi iti PNP-Cabugao ken ti BFP-Cabugao a
kinomendaran ti Municipal Chief Executive iti napintek a panangmantenerda iti linak ken talna ket kalikagumanna a maitultuloy dagitoy a gapuananda.
Inggunamgunam ti Ama ti Ili nangruna kadagiti adda iti Munisipio a pariknaanda latta koma ti nasayaat ken ikkanda iti mainugot a panawen kadagiti tattao nga umay nga adda kasapulanda ditoy Munisipio a kas kadagiti Balikbayans ken aggapu iti Manila ket awan ti umanay a rason a saanda a maikaso kadagiti kasapulanda ditoy Munisipio.
Kabayatanna, dinakamat ti Ama ti Ili dagiti naayat a Pamilia iti ballasiw-taaw a naayat nga umay agba-balikbayan ditoy nakayanakanda nga ili ket naibinsabinsa pay dagiti maited a proyekto nga esponsoran dagiti Cabugaoenians iti abroad a kasapulan iti agdama ditoy ili a pakaisagutan met dagiti umili ti Cabugao.
Binigbig pay ti Alkalde Munisipal iti partisipasion ti amin iti panangaramid dagiti agserserbi iti Munisipio iti annongen ken pagrebbenganda ket kunana a maitultuloy latta koma dagitoy a nasayaat a gapuanan ken pakasarsaritaan ta no agtultuloy dagitoy ket tumultulong latta met isuna a mangirupir iti pannakapagtalinaed dagitoy. # (Web In-Action)
No comments:
Post a Comment