Cabugao, Ilocos Sur – Iti pannaki-uman ti Web In-Action iti Hunio 2, 2016, imbatad dagiti Mangisursuro ti Cabugao DepED District a kalpasan a maisagana ti pagadalan babaen iti nairut a panagtinnulong dagiti nagannak ken mangisursuro manipud Mayo 30 agingga iti Hunio 4, 2016 ket agsagsagana metten dagiti ubbing iti panangrugi ti klaseda inton Hunio 13, 2016.
Kabayatan ti Enrolment Days iti Elementary Level ket manamnama nga umadu ti bilang ti agad-adal gapu ta mainayon dagiti bilang ti ag-Kindergarten Pupils ken nag-transfer nga agad-adal.
Kanaig daytoy, adun ti nagannak/guardian ti napan naggatang ti kasapulan dagiti ubbin gda a bag, kuaderno, ballpen, lapis, papel ken krayola a kasapulanda nga agbasa kasta metten iti panaggatangda ti baro nga aruaten, uniporme, sapatos ken kanaigna a kawes iti panagadal a mangrugi iti aldaw ti Hunio 13, 2016.
Iti kaadu ti aggatang iti school supplies, pumardas met ti panagwerret ti ligay ti negosio. Imbatad pay dagiti dadduma a nagannak ken agad-adal nga adu met latta ti bilangda a nakagatangen iti school supplies-da sakbay nga umasideg ti lukat ti klase.
Mangnamnama dagiti nagannak a naballigi daytoy a tawen a panagrubuat ti panagbasa dagiti ubbing-da ken sisasaganada a mangawat kadagiti panagbalbaliw iti pagalagadan iti benneg ti Edukasion nangruna iti implementasion ti K to 12 Basic Education. # (Web Situational Report)
No comments:
Post a Comment