Cabugao, Ilocos Sur – Maited kadagiti agad-adal nga ubbing (Kindergarten to Grade VI) dagiti school supplies (ballpen, notebook ken pencil) kadagiti pageskuelaan ti Cabugao a tulong a naggapu iti Gobierno Probinsial nga idauluan ni Governor Ryan Luis V. Singson.
Iti Cabugao North Central School, naaramid ti ceremonial turnover dagiti nadakamat nga school supplies kadagiti agbasbasa idi Hunio 21, 2016 ket inatendaran ni Dr. Consesa T. Rumias, D. Ed., Public Schools District Supervisor agraman dagiti mangisursuro nga idauluan ni Mrs. Estrellita M. Siruno, Principal II a nangimatang iti pannakaibunong dagiti mausar iti pageskuelaan kadagiti ubbing. Impeksa dagiti Opisiales ti Cabugao DepED District iti naan-anay a panagyamanda iti Gobierno Probinsial ken iti LGU-Cabugao kadagiti naited a mausar dagiti agbasa nga ubbing iti Elementaria.
Nakikaysa ken nangted ti Mensahe ni Incoming Mayor Josh Edward “Ediboy” S. Cobangbang. Kimmablaaw ken nagyaman iti Gobierno Probinsial iti naited a pakalag-anan dagiti nagannak kadagiti annakda nga agbasa ita a tawen.
Nagatendar met ni Vice Mayor DJ Savellano ken bimmayabay dagiti Konsehales nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Jayhan Alcid-Tan; SBM Benedicto M. Savellano; Atty. Bryan Jett S. Pano ken ni ABC President Thaddeus U. Soller iti pannakaited dagiti school supplies. # (Web In-Action)
No comments:
Post a Comment