Cabugao, Ilocos Sur – Babaen ti napintas a panagkammayyet ti DENR-CENRO ken ti LGU-Cabugao, Ilocos Sur, nabukel ti Resolution No. 19, Series 2013 ti Sangguniang Bayan ti ili a mangted ti gundaway ken ni Mayor Edgardo S. Cobangbang, Jr. a makipinnasingked babaen iti Memorandum of Agreement (MOA) a pakaisagudayan dagiti pagannurotan iti panangtarawidwid ti pannakagamulo ti rekursos-naturales a kabakiran ti ili agraman kadagiti mainaig a panangpasayaat pay tapno matagiben/mabalanse ti ecosystem-na.
Kanaig daytoy, nabukel metten ti Executive Order No. 42 babaen iti Opisina ti Mayor a nangbukel ti Technical Working Group (TWG) nga iti met laeng Local Chief Executive ti Chairperson-na a kadua ti DENR-CENRO a mangpasingked ti mabukel a MOA sakbay ti implementasionna.
Manamnama a makipinnirmanto ni DENR Regional Executive Director Samuel R. Penafiel, CESO III ken CENRO Officer Florencio P. Soliven, Jr. kadaytoy a napateg a dokumento kalpasanna. # (Web In-Action)
No comments:
Post a Comment