Cabugao, Ilocos Sur – Iti pannakiuman ti Web In-Action idi Setiembre 16, 2013, imbatad ni Waterworks Superintendent Engr. Nestor B. Somera a madama pay laeng ti iskemada iti water rationing iti sumagmamano a lugar a masakupan ti Cabugao Waterworks.
Impalgakna a saanda koma a mababalaw iti awan pay a nabuslon nga ubbog a suplay ti danum a mausar gapu iti “climate change adaptation” kas kadagiti sumaganad a makagapu:
1.Bassit ti agtartaray a danum iti Aquifer (kaunggan nga urat ti ubbog iti uneg ti daga) ta adu ti bubon a mangkunnot ti ubbog nga usaren ti tao a pagpadanumda ti mulada ken dadduma pay a pakausaranda.
2.Apektado ti lokalidad iti napalpalabas a napasamak a ginggined segun iti na-sientipikuan a panagsukisok.
3.Saanna pay a naparuar ti usto a kabuslon ti ubbog uray naynay nga agtudtudo.
Insupusop ni Engr. Somera nga adda pay adu a makagapu ngem kangrunaan ket iti panagbalbaliw ti panawen ta tinawen a mapasamak ti panagbaliw a patauden ti climate change. # (Web In-Action)
No comments:
Post a Comment