Wednesday, September 4, 2013

NAGMITING DAGITI BNS

Cabugao, Ilocos Sur – Naangay ti Monthly Regular Meeting ti Barangay Nutrition Scholars iti 33 a barangay iti 2nd Floor ti Munisipio idi Setiembrte 3, 2013 babaen iti panangtarawidwid da Ms. Macrina Saturno ken Mrs. Joenah G. Sevilleja, AT-DA LGU.


Dagiti natratar ken napagnanamingan:

1.Inaprobaran ni Mayor Ediboy ti kalikagumda a pannakausar ti Municipal Bus iti papanda panagatendar ti BNS Convention inton Setiembre 20, 2013  idiay Laoag City.
2.Pannakaipasa ti resolusion iti Opisina ti Mayor iti pannakaingato ti Honorarium ti BNS agraman ti travelling allowance-da.

3.Pannakaipasa ti resolusion ti BNS iti barangay level ta manayonan met  ti honorariumda.

4.Pannakabayad ti BNS Membership Fee iti Rehional a benneg.


Natratar pay ti napintas a pannakaibanag ti Supplemental Feeding Program ti Municipal Nutrition Action Office (MNAO.

Bimmisita met ni Mayor Edgardo “Ediboy” S. Cobangbang, Jr. iti nagmimitingan dagiti BNS kas panangipasimudaagna iti agtultuloy a suporta ti LGU-Cabugao iti pannakaitandudo ti programa ti Nutrision tapno agtultuloy a mapatibker ti pundasion dagiti ubbing a kangrunaan  a serbian daytoy a benneg ti Local Governance. # (Web In-Action)

No comments:

Post a Comment