Cabugao, Ilocos Sur – Iti pannakiuman ti Web In-Action ken ni Mr. Marciano Raciles, Presidente, Cabugao Livestock Traders Association ket imbagana a kaaduan kadagiti maiday-dayo iti kaaldawan ti Sabado ket dagiti magatang a para-parti iti Tiendaan kasta met kadagiti gatangen ti taga-sabali nga ili a lugar ti dadduma nga agparparti.
Innayon ni Dr. Melvin G. Castro, DVM, Municipal Livestock Inspector a mataming a nasayaat ti amin a papeles ken kasasaad dagitoy a magatang nga ayup sakbay a mairuarda tapno maiyataday met laeng iti pagannurotan ti Munisipio iti pannakaiproseso dagitoy nga ayup sakbay a madisponerda.
Insupusop met ni Mr. Raciles nga agtultuloy a napintas ti panagoperar ti Cabugao Dayo ken napintas ti panagtutunos dagiti Opisiales-da ken kankanayon a tartarabayen ida dagiti Opisiales Lokal (LGU) ti ili nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment