Cabugao, Ilocos Sur – Naisangpet ti dua a klase ti ramit pang-agrikultura idi Setiembre 11, 2013. Mismo a dagiti pannakabagi ti DA-LGU Cabugao nga idauluan ni Mrs. Zenaida S. Andrada, Municipal Agriculturist ti napan nangala kadagitoy a ramit sadiay INPC, Batac City. Dagitoy a ramit ket buklen ti 25 a Drying Nets ken 115 a Laminated Sacks nga impaay ti DA-RFU 1 a maited kadagiti makasapul nga asosasion ti mannalon iti ili a Cabugao, Ilocos Sur babaen iti panangimaton ti Cabugao Corn and Rice Federated Association nga idauluan ni Mr. Elmer G. Bromeo, Federated President.
Ditoy Munisipio, indauluan ni Mayor Edgardo “Ediboy” S. Cobangbang, Jr. dagiti Opisiales ti LGU-Cabugao a nangyallawat kadagitoy a ramit kadagiti dadaulo ti Asosasion. Binayabay met da SBM Benedict M. Savellano, Committee Chair on Agriculture, SBM Danny Q. Gazmen, SBM Dr. Jemaima Tan-Yee, SBM Dr. Carlito S. Pano, MPDC Florante Jara ken Bungro FA President Edy L. Sevilleja.
Nakikaysa met dagiti pannakabagi ti DA-LGU nga isuda Mr. Nathaniel Galamgam ken ni Mrs. Ester Aguimbag kasta metten ni Mrs. Andrada.
Dagitoy a pagsayaatan dagiti mannalon ket resulta ti napintas a pannakikammayet ti LGU-Cabugao nga idauluan ni Mayor Ediboy kadagiti Opisina ken Line Agencies a makatulong kadagiti mayoridad nga umili ti Cabugao, Ilocos Sur. # (Web In-Action)
No comments:
Post a Comment