Friday, July 18, 2014

AMENDMENT TI BY-LAWS TI SENIOR CITIZEN, NAARAMID

Cabugao, Ilocos Sur – Naaramid ti panangamendar ti Cabugao Federation of Senior Citizens ti Constitution and By-Laws-da idi Hulio 17, 2014 iti pasdek ti Senior Citizen’s Center, Brgy. Rizal, Cabugao, Ilocos Sur a nagatendaran dagiti Opisiales ti Pederasion kadagiti barangay ti ili.

Segun ken ni Mr. Bonifacio Somera, Presidente, paset ti amendment iti pannakalimitar iti  60-70 ti tawen  ti nataengan  a makualipikar nga agmiembro ti  Senior Citizen ket agbayad ti P25 ti baro nga agparehistro.

Innayon ti Presidente a napagpapatangan pay kadaytoy a binulan a mitingda iti maipapan  iti pakaseknan dagiti Opisiales ken kameng, koleksion ti Saranay iti tunggal barangay. Kaaduan a pakakumikomanda iti prayer and vigil kadagiti pumusay a kamengda ken iti panagkolektada kadagiti Saranay Fees.

Insupusop ni Mr. Somera nga agtultuloy ti pannakidanggayda iti LGU-Cabugao a mangmangted ti pannarabay kadakuada  ta makariknada iti mainayon a panagtalek ti bagida ken makaited met ti ragsak ken liwliwada  iti panagserbida iti padada a nataengan/tao  ken iti komunidadda. # (Web In-Action)

No comments:

Post a Comment