Cabugao, Ilocos Sur – Inturn-over dagiti Municipal Officials ti ili a Cabugao, Ilocos Sur iti liderato da Mayor Edgardo “Ediboy” S. Cobangbang, Jr. ken ni Vice Mayor Deogracias Jose Victorino H. Savellano dagiti pakabuklan ti agas ken ramit pang-medisina nga impaay ti Department of Health (DOH)-Regional Office 1, San Fernando City, La Union.
Mismo a dagiti kameng ti Sangguniang Bayan Members ti nangiyallawat kadagitoy a ramit ken agas kadagiti dadaulo ken Staff ti Municipal Health Office-Rural Health Unit ket naangay ti turnover iti sango ti Munisipio.
Buklen dagiti naited nga agas iti 24 ti klasena a napapateg a pagkasapulan ti salun-at dagiti umili kasta met a naited ti sag-1 unit ti Emergency light, portable; Instrument Tray with cover (stainless); Manual Resuscitator Adult; Manual Resuscitator, Neonatal; Maternal Care Instrument; Oxygen Theraphy Set; Pipettor Set, Stethoscope, Adult; Weighing Scale with Measuring stick.
Naited pay ti 2,000 a kaadu ti OV (Oviposition) Traps para iti panangtiped ti Dengue. Naiyallawat dagitoy a ramit ken agas iti agrebbeng a Departamento ti LGU iti Hulio 14, 2014.
Nakikaysa dagiti Opisiales ti Munisipio nga isuda Vice Mayor DJ Savellano; SBM Dr. Jemaima S. Tan-Yee; SBM Danny Q. Gazmen; SBM Vicky S. Serna; SBM Benedict M. Savellano; SBM Atty. Bryan Jett S. Pano; SBM Jayhan Alcid-Tan; SBM Dodgie S. Santella; SBM Josefina S. Vallejo ken ni ABC President, Brgy. Captain Thaddeus U. Soller ken dagiti Staff ti DOH-RHU nga idauluan da Dr. Bernardino M. De Gracia III, OIC Municipal Health Officer ken ni Mrs. Janet S. Sison, Public Health Nurse. # (Web In-Action)
No comments:
Post a Comment