Cabugao, Ilocos Sur – Innem a maseknan a matulongan nga umili ti immawat iti Financial Assistance nga aggapu iti Department of Social Services and Development (DSWD)-Regional Field Office 1 babaen iti masasao nga “Expanded Aid to Individual in Crisis Situation”. Dagiti innem (6) a maseknan ket naggapuda iti Barangay Namruangan-2; Brgy. Baclig – 1; Brgy. Sisim – 1; Brgy. Pila – 1; ken Brgy. Dardarat – 1.
Dagiti pakaseknanda a nakaitedan ti tulong ket maigapu iti pagkasapulanda iti medisina (gastosenda iti regular dialysis); magastos iti Burial nangruna kadagiti indibidual nga adda iti “poorest of the poor” category wenno adda iti listaan ti National Household Targeting System (NHTS) a pakaibilangan dagiti kameng ti Pantawid Pamilyang Pilipino Program (4 P’s).
Inawat dagiti Recipients ita nga aldaw, Hulio 21, 2014 dagiti naitulong kadakuada iti imatang dagiti Opisiales ti Local Government Unit (LGU)-Cabugao nga idauluan ni Mayor Edgardo “Ediboy” S. Cobangbang, Jr.
Nakikaysa met ni Municipal Social Welfare and Development Officer Mrs. Lydia S. Gazmen iti nadakamat a turn-over ti tulong. Naaramid ti pannakaited ti tulong iti Opisina ti Municipal Chief Executive iti Munisipio ti Cabugao.
Ti Expanded AICS ket programa a pakikammayetan ti LGU-Cabugao iti Ahensia ti DSWD a mangtulong kadagiti napapanglaw a Kaamaan nga agkasapulan ti tulong. # (Web In-Action)
No comments:
Post a Comment