Cabugao, Ilocos Sur – Indauluan ni Chief of Police William Nacionales Nerona, ti Cabugao Municipal Police Station dagiti Lecturer/Facilitator iti PNP Secretariat a naglektiur/nagdemonstrar iti kamalman ti maikadua nga aldaw (Hulio 24, 2014) iti Cabugao Cultural and Sports Complex, Brgy. Rizal, Cabugao, Ilocos Sur.
Dagiti naiyadal babaen iti Teoria ken Aktual ket dagiti sumaganad:
1.First Responders and Basic Investigation Report Writing - ditoy a naisuro ti umuna nga aramidenda no addada iti crime scene dagiti BPATS/Tanod.
2.Intelligence - Pannakamata/pannakalapayagda a manglapped iti saan a nasayaat a mapaspasamak iti uneg ti barangay.
3.Basic Patrol Operation and Police Intervention Technique – Naisuro ditoy dagiti gagangay nga aramiden ti panagpatrulia nga akemen dagiti BPATS/Tanod ken no mangisayangkat ti Polisia iti panagarestar.
Daytoy a panagsanay ket mangnayon ti kaammuan dagiti BPATS/Tanod a kadua ti kapolisan ken Opisiales Lokal iti benneg ti Munisipal ken Barangay ken mapatibker iti panagtutunosda a mangmantener ti linak ken talna/tumulong no panawen ti didigra a mangtaginayon ti progreso ken talingenngen ti lokalidad, segun pay ken ni PCI William N. Nerona. # (Web In-Action)
No comments:
Post a Comment