Cabugao, Ilocos Sur – Segun ken ni Mr. Nathaniel B. Galamgam, AT, Supervising Technician ti Municipal Techno-Demo Farm iti Sitio Sagayaden Norte, Brgy. Sagayaden, Cabugao, Ilocos Sur.
Tinawen a maar-aramid ti Techno Demo ti DA-LGU Cabugao ditoy a paset ti pagtatalonan tapno agpaay a show-window kadagiti kabaruanan a Teknolohia ken bin-i kadagiti mannalon ditoy a deppaar ket mamantenerda iti bilang ti apitda a 5-7 Tonelada iti tunggal ektaria.
Innayon ni Mr. Galamgam dagiti Datos ti Techno-Demo Farm:
Petsa a naibunubon – Hunio 14, 2014
Klase ti Bin-I – TEJ
Petsa a nairaep – Hulio 4-5, 2014
Ecosystem – Rainfed
Ti saguday daytoy a bin-i ket kayat ni Mr. Galamgam takuatan ket napauluan ti panagadalna: “Adapting Climate Change Using Short Maturing Hybrid Variety applied with Recommended Rate of Fertilizer (Wet Season 2014).
Innayon ni Mr. Galamgam a nupay rainfed area ti nakairaepanna ket agtultuloy latta met ti panag-duktalna no kasano a mapadanumanda a kas iti regular a pannakasapul ti hybrid rice plant kadagiti irrigated area a mamantener iti kaadalem a 3 sentimetros.
Dagitoy nga inisiatiba ket maigapu iti agtultuloy a panangtakuat kadagiti mayataday a wagas ti panagtalon iti rainfed area tapno manayonan ti matgedan dagiti mannalon ken maikabassit ti gastosenda nga agtalon. # (Web In-Action)
No comments:
Post a Comment