Friday, July 11, 2014

SEA GREEN TURTLE, NAKALAP NGEM NAISUBLI ITI BAYBAY

Cabugao, Ilocos Sur -  Nairaman a naala ti iket dagiti mangngalap iti Brgy. Salapasap. Caugao, Ilocos Sur ti dakkel a Pawikan ngem gapu iti pannakairakrakurak iti pannakaipawil ti panagtagikua/panagsida  kadagiti endangered species a pakaibilangan ti pawikan,  dolphin, ken pating ken dadduma pay ti klasena a nabiag iti baybay, inreport dagiti mangngalap ken ni Brgy. Captain Ronel Zamora ti pannakakalapda ti dakkel a Sea Green Turtle wenno masasao a Pawikan idi Hulio 10, 2014 iti kabaybayan ti Barangay Salapasap. 


Babaen iti pakaammo ni Kapitan Zamora, nagturong da Mrs. Milagros R. Paz, Municipal Fisheries Coordinator a kaduana da Mr. Edgar S.  Balangatan ken ni Mr. Alvin Solis, agpada nga empleado ti Munisipio iti nakaipanan ti Pawikan. Naaramid ti panagsasarita iti nagbaetan dagiti kameng ti  Konseho ti Barangay kasta metten kadagiti pannakabagi ti Munisipio. Idi agangay, napagnunumuan a mapalubosan ti nabiag nga agsubli iti taengna a baybay. Pinalubosan dagiti bumarangay ti pawikan a naglangoy nga agsubli iti kadanuman.


Ti pakabuklan (caraface) ti pawikan ket 37.5 pulgada ti kaatiddogna; 35.5 pulgada ti kaakabana. Ti linteg a mangipawil ti panagtiliw, panagipupok ken panagsida kadagiti kakastoy a nabiag ti baybay ken kaarngina ket ituyang ti DENR Administrative Order 2004-15.

Pinagyamanan ni Kapitan Zamora ti agtultuloy a kinaresponsable dagiti kabarangayanna a mangannurot kadaytoy a polisa ti LGU ken ti DENR. # (Web In-Action)

No comments:

Post a Comment