Cabugao, Ilocos Sur – Naaramid ti pay-out iti dadduma a barangay a pagnaedan dagiti kameng ti Pantawid Pamilyang Pilipino Program (4 P’s) iti ili a Cabugao, Ilocos Sur idi Hulio 11, 2014 iti 4 P’s Municipal Operation Office (MOO), Cabugao, Ilocos Sur.
Segun ken ni Miss Jessie Ann O. Tabut, Municipal Link nga adda 8 a barangay a pagnaedan dagiti 4 P’s Grantees iti nabayadan ti Differential weno nainayon a kantidad iti awaten ti miembro gapu ta adda anakna nga agbasbasa agingga iti tawen 15-18.
Innayonna pay nga adda pay 19 a barangays nga ayan ti 4 P’s Grantees a nabayadan ti Cash Grant-da iti Enero-Pebrero 2014.
Nagatendar iti nasao a Pay-out da SB Member Atty. Bryan Jett S. Pano, Committee Chair on Social Services ken ni SBM Dr. Jemaima S. Tan-Yee, Committee Vice Chair on Social Services. Imbagian met da Mr. Edicio Sandi ti Post Office Cabugao ken ni Mr. Robert Jaramilla ti Postal Service Corporation a kaduada dagiti pannakabagi ti DSWD Region 01 ken ti MSWDO-Cabugao a nangited ti gatad a nabatayan dagiti Beneficiaries kadaytoy a pay-out.
Dagitoy nga aksion ket maigapu iti agtultuloy a pannakikammayet ti LGU-Cabugao iti DSWD a mangipatungpal daytoy a pro-poor program iti Munisipalidad tapno matulongan dagiti nakurapay a pamilia nangruna iti barangay. # (Web In-Action)
No comments:
Post a Comment