Ang Ilocos Sur Community College (ISCC) na itinuturing na “Kolehiyo ng mga Mahihirap” ay pauunlarin ng pamahalaang probinsyal para matugunan ang pangangailangan ng mga estudyante mula sa mga dukhang pamilya at para makamtan din ang nararapat na de-kalidad na edukasyon.
Ito ang binigyang-diin ni Gob. Ryan Singson bilang panauhing- pandangal sa pagdiriwang ng ika-70 anibersaryo ng ISCC na naitayo sa tabi ng Quirino Stadium sa karatig-bayan ng Bantay noong nakaraang Linggo na dinaluhan ng mga guro, estudiyante, parents at local officials.
Sinabi ni Gob. Singson na maitatayo ang mga karagdagang classrooms at gusali kabilang na ang laboratory alinsunod sa mga pangangailangan ng Kolehiyo para sa quality education.
Ang mga kursong ipinagkakaloob ng naturang kolehiyo na pinamamahalaan ng provincial government ay kinabibilangan ng Agrikultura at Fisheries, Animal Husbandry, Massage Therapy, at pati ang mga training para sa mga call center agents. Kabilang na rin ang mga popular na kursong Edukasyon, Nursing at Tourism at Hotel and Restaurant Management.
Nakakatulong ang mga kursong Agrikultura at Animal Husbandry para sa mga “Out-of-School Youths” o kabataang hindi nakapag-aral para magkaroon ng magandang kinabukasan, sinabi ng gobernador. Ito ay inilulunsad sa Ba-Rang-ay Demo Farm sa Barangay Labnig sa San Juan, na pinamamahlaan ng provincial government bilang community extension ng ISCC, dagdag ni Singson.
Nabanggit pa niya na maitatayo pa rito ang isang hotel sa tabi ng Quirino Stadium, ang stadium na ipinangalan sa unang Ilokanong Presidente Elpidio Quirino na ipinanganak sa Vigan, para magsilbing On-the- Job Training (OJT) ng mga kumukuha ng Hotel and Restaurant Management sa naturang Kolehiyo.
Naimbitahan pa ang mga instructors sa mga Call Center sa Manila na tumutulong sa mga kukuha ng pagsasanay na angkop dito para kapag makatapos ay maipuwesto sila sa mga call center sa Metro Mnila o iba pang panig ng bansa pati sa ibayong- dagat. # Source - (MCA/BPP/PIA- 1- Ilocos Sur).
No comments:
Post a Comment