Cabugao, Ilocos Sur – Naipaima kadagiti agad-adal nga ubbing (Kindergarten to Grade VI) dagiti school supplies (ballpen, notebook ken pencil) iti intero a 26 a pageskuelaan ti Cabugao a tulong a naggapu iti Gobierno Probinsial nga idauluan ni Governor Ryan Luis V. Singson.
Iti Cabugao South Central School, indauluan ni Mayor Edgardo “Ediboy” S. Cobangbang, Jr. dagiti Opisiales agraman dagiti mangisursuro nga idauluan ni Mrs. Melvie S. Sajonia, Principal II a nangimatang ken binayabay da SBM Dr. Jemaima S. Tan-Yee, Committee Chairman on Education; SBM Josefina S. Vallejo ken ni SBM Atty. Bryan Jett S. Pano iti pannakaited dagiti school supplies kadagiti agbasbasa iti Hulio 27, 2015.
Sakbayna, nakikaysa ti Konseho Munisipal nga indauluan ni Vice Mayor DJ Savellano a nagited kadagiti ubbing nga agad-adal ti nayon dagitoy nga school supplies kadagiti pageskuelaan kadagiti barangay. # (Web In-Action)
No comments:
Post a Comment